Hey man, go home!

歡迎晒!入o黎坐o下參觀o下!

鳴謝腸炎菌於復活節仍辛勞辦公，令小妹中招並獲病假一天，以致小妹今日屈0係屋企、悶到想死，於是立定決心另僻一個公開o既秘密天地同幾個老友交換日記、share D 諗法、updateo下大家o既近況，都幾好架。 首先post出一項月經會聚會告示:

本月唱K聚會決定於21號(星期六)舉行，時間地點將由主辦雙位:李俊及謝恆

另行公佈。敬希垂注。

等我update o下大家先。呢個復活節假，我除o左食o左D垃雜o野、打o下NDS、睇o下戲之外，我仲報o左名學車；5月3號考筆試。希望可以快D開始學車，試o下開棍波車!!muahahaha~~

大家都知我鍾意聽903 o架啦!但係近排我發覺除o左《晴朗》之外，我聽大部份節目都會打從心底彈出一句”講o羊呀?!”/”有無再無聊D呀?” 我諗係人大o左呢，聽得入耳o既聲音愈o黎愈少。細個果陣聽o羊節目都笑到痴o左線o架嘛。依家好難有o禁o既樂趣喇…不過，貴為My Favourite Channel, 903總有好o野：強烈推介《午夜閒談》逢星期日零晨1點至3點，兩個鐘頭，笑到失控。聽過就知有幾癲。

# posted by Ar Go @ 6:00 p.m.